Umurenge wa Masaka wegukanye igikombe

Umurenge wa Masaka wo mu Karere ka Kicukiro wegukanye igikombe cy’Irushanwa ry’Umurenge Kagame Cup 2026 nyuma yo gutsinda Umurenge wa Nyarugenge ibitego 6-3 ku mukino wa nyuma wabereye kuri Stade ya Bugesera kuri iki Cyumweru, usoza ku mugaragaro iri rushanwa ryari rimaze iminsi rihuza imirenge yitwaye neza kurusha indi mu gihugu . Masaka yegukanye iki gikombe nyuma y’urugendo rwiza rwayigejeje ku mukino wa nyuma, mu gihe Nyarugenge yasoje iri rushanwa ku mwanya wa kabiri. Umurenge wa Rubengera wegukanye umudali wa bronze mu bagabo nyuma yo gutsinda Mbazi ibitego 2-0, naho mu bagore Umurenge

Umurenge wa Masaka wo mu Karere ka Kicukiro wegukanye igikombe cy’Irushanwa ry’Umurenge Kagame Cup 2026 nyuma yo gutsinda Umurenge wa Nyarugenge ibitego 6-3 ku mukino wa nyuma wabereye kuri Stade ya Bugesera kuri iki Cyumweru, usoza ku mugaragaro iri rushanwa ryari rimaze iminsi rihuza imirenge yitwaye neza kurusha indi mu gihugu. Masaka yegukanye iki gikombe nyuma y’urugendo rwiza rwayigejeje ku mukino wa nyuma, mu gihe Nyarugenge yasoje iri rushanwa ku mwanya wa kabiri. Umurenge wa Rubengera wegukanye umudali wa bronze mu bagabo nyuma yo gutsinda Mbazi ibitego 2-0, naho mu bagore Umurenge wa Gatore uba uwa gatatu utsinze Mbongo ibitego 3-0. Mu yindi mikino, Kicukiro na Gasabo zegukanye ibikombe muri Volleyball y’abagabo n’abagore, mu gihe Basketball na yo yasojwe hatangwa imidali ku makipe yitwaye neza. Irushanwa ry’uyu mwaka, ryabaye ku nshuro ya 20 kuva ryatangira mu 2006 ndetse rikaba ryaritiriwe Perezida wa Repubulika y’u Rwanda, Paul Kagame kuva mu 2010, rikomeje kuba urubuga rwo kuvumbura impano, gushimangira ubumwe no guteza imbere siporo mu baturage.

Umukino waranzwe ni ishyaka ryinshi ku mpande zombi

Byari ibyishimo bikomeye nyuma yo kubona itsinzi ku ikipe ya Masaka

Abafana ba Masaka bishimira itsinzi

Umukino witabiriwe n'Abayobozi batandukanye

Umuhanzi Juno Kizigenza niwe wasusurukije abitabiriye

Umurenge Kagame Cup 2026 wasojwe mu byiciro bitandukanye