APR FC na Rayon Sports zatsindiwe i Kigali, abafana banenga imikinire n’abatoza

APR FC na Rayon Sports zatangiye nabi imikino ibanza y’ijonjora ry’amarushanwa Nyafurika, nyuma yo gutsindirwa kuri Stade Amahoro i Kigali, mu mikino yakurikiwe n’agahinda k’abafana b’aya makipe. Ku wa 16 Ukwakira 2026, APR FC yatsinzwe na Zamalek yo mu Misiri igitego 1-0, mu gihe ku wa 17 Ukwakira Rayon Sports yatsinzwe na Black Bulls yo muri Mozambique ibitego 2-0. Mu biganiro bagiranye na InyarwandaSport TV nyuma y’iyi mikino, abafana banenze imikinire y’amakipe yabo n’imyanzuro y’abatoza. Elise uzwi nka Musanze, umufana wa APR FC, yagize ati: “Umutoza ntabwo azi gutoza, atoza ibyo bamubwiy

APR FC na Rayon Sports zatangiye nabi imikino ibanza y’ijonjora ry’amarushanwa Nyafurika, nyuma yo gutsindirwa kuri Stade Amahoro i Kigali, mu mikino yakurikiwe n’agahinda k’abafana b’aya makipe. Ku wa 16 Ukwakira 2026, APR FC yatsinzwe na Zamalek yo mu Misiri igitego 1-0, mu gihe ku wa 17 Ukwakira Rayon Sports yatsinzwe na Black Bulls yo muri Mozambique ibitego 2-0. Mu biganiro bagiranye na InyarwandaSport TV nyuma y’iyi mikino, abafana banenze imikinire y’amakipe yabo n’imyanzuro y’abatoza. Elise uzwi nka Musanze, umufana wa APR FC, yagize ati: “Umutoza ntabwo azi gutoza, atoza ibyo bamubwiye.” Undi mufana wa APR FC, Thierry, yavuze ko yababajwe n’icyemezo cyo gusimbuza William Togui, ashimangira ko Zamalek itigeze irusha APR FC cyane, ahubwo ko ikipe ye yabuze amahirwe yo gutsinda. Ku ruhande rwa Rayon Sports, umufana Rwabutabura yagaragaje ko yatakarije icyizere ikipe ye cyo kugera mu matsinda, agira ati: “Oya, amatsinda turayabuze.” Amakipe yombi aritegura imikino yo kwishyura iteganyijwe ku wa 24 Ukwakira 2026. APR FC izasura Zamalek mu Misiri, naho Rayon Sports ikine na Black Bulls muri Mozambique, aho azaba asabwa kwitwara neza kugira ngo agire amahirwe yo gukomeza mu marushanwa.