U Rwanda rwizihije Umunsi wa Olempike

Komite Olempike n’Imikino y’u Rwanda (RNOSC) yifatanyije n’Isi yose mu kwizihiza Umunsi wa Olempike 2026, aho ibikorwa byabereye muri Green Hills Academy ku Cyumweru tariki ya 21 Kamena 2026, mu marushanwa yo koga agamije guteza imbere siporo n’indangagaciro za Olempike. Iki gikorwa cyateguwe ku bufatanye na Federasiyo y’Umukino wo Koga mu Rwanda, kikitabirwa n’abakinnyi 127 baturutse mu makipe atanu, bahatanye mu byiciro 54. Abayobozi bagaragaje ko siporo ari inzira yo guteza imbere ubuzima bwiza n’ubumwe. Mu rwego rwo kwigisha indangagaciro za Olempike, Umuyobozi Mukuru wa RNOSC, Jean Clau

Komite Olempike n’Imikino y’u Rwanda (RNOSC) yifatanyije n’Isi yose mu kwizihiza Umunsi wa Olempike 2026, aho ibikorwa byabereye muri Green Hills Academy ku Cyumweru tariki ya 21 Kamena 2026, mu marushanwa yo koga agamije guteza imbere siporo n’indangagaciro za Olempike. Iki gikorwa cyateguwe ku bufatanye na Federasiyo y’Umukino wo Koga mu Rwanda, kikitabirwa n’abakinnyi 127 baturutse mu makipe atanu, bahatanye mu byiciro 54. Abayobozi bagaragaje ko siporo ari inzira yo guteza imbere ubuzima bwiza n’ubumwe. Mu rwego rwo kwigisha indangagaciro za Olempike, Umuyobozi Mukuru wa RNOSC, Jean Claude Rugigana, na Valentine Munezero, wahoze ahagarariye u Rwanda mu Mikino Olempike y’Urubyiruko ya Buenos Aires 2018, batanze ikiganiro ku ndangagaciro zirimo ubwitange, ubucuti no kubahana. Munezero yasabye urubyiruko gukurikira inzozi zarwo, avuga ko intsinzi itarangirira ku kubona imidari gusa, ahubwo ari no kugira uruhare mu mateka no guhagararira igihugu neza.

U Rwanda rwizihije Umunsi wa olempike ku Isi binyuze mu marushanwa yo Koga