New York Knicks yatangiye neza imikino ya nyuma y’Iburasirazuba itsinda Cleveland Cavaliers

Ikipe ya New York Knicks yatangiye neza imikino ya nyuma  y’Iburasirazuba (Eastern Conference Finals), itsinda Cleveland Cavaliers amanota 115–104 nyuma y’iminota y’inyongera (overtime) mu mukino wa mbere wabereye i Madison Square Garden. Uyu mukino waranzwe n’impinduka zikomeye cyane, aho Cleveland Cavaliers yagaragaje imbaraga mu gice kinini cyawo, ndetse yigeze kuyobora umukino ku ntera y’amanota 22. Ariko Knicks yagarutse mu mukino mu buryo budasanzwe, iyobowe na Jalen Brunson, watsinze amanota 38 muri rusange, harimo 17 yatsinze mu minota ya nyuma y’igihe gisanzwe n’inyongera. Mu minot

Ikipe ya New York Knicks yatangiye neza imikino ya nyuma  y’Iburasirazuba (Eastern Conference Finals), itsinda Cleveland Cavaliers amanota 115–104 nyuma y’iminota y’inyongera (overtime) mu mukino wa mbere wabereye i Madison Square Garden. Uyu mukino waranzwe n’impinduka zikomeye cyane, aho Cleveland Cavaliers yagaragaje imbaraga mu gice kinini cyawo, ndetse yigeze kuyobora umukino ku ntera y’amanota 22. Ariko Knicks yagarutse mu mukino mu buryo budasanzwe, iyobowe na Jalen Brunson, watsinze amanota 38 muri rusange, harimo 17 yatsinze mu minota ya nyuma y’igihe gisanzwe n’inyongera. Mu minota 12 ya nyuma, Knicks yakoze impinduka ikomeye cyane, itsinda Cavaliers amanota 44–11, ihindura umukino wari usa n’uwarangije. Ku ruhande rwa Cleveland Cavaliers, yagowe cyane n’iminota ya nyuma, aho yakoze amakosa menshi (turnovers 6) ndetse inanirwa kubona amanota mu bihe bikomeye by’umukino. Landry Shamet na we yagize uruhare rukomeye, atsinda amanota y’ingenzi mu bihe bikomeye ndetse afasha Knicks mu bwugarizi mu minota ya nyuma. Umukino wa kabiri uteganyijwe ku wa gatanu, tariki ya 22 Gicurasi, aho New York Knicks izongera kwakira Cleveland Cavaliers imbere y’abafana bayo.