Ikipe ya San Antonio Spurs yagaragaje ko ititeguye gusezererwa, nyuma yo gutsinda Oklahoma City Thunder (OKC) amanota 118-91 mu mukino wa gatandatu wa Finali y’Uburengerazuba (Western Conference Finals), bituma amakipe yombi anganya imikino 3-3. Uyu mukino wabaye mu rukerera rwo kuri uyu wa Gatanu tariki 29 Gicurasi 2026, ubera mu rugo rwa Spurs muri Frost Bank Center, wagaragaje itandukaniro rikomeye hagati y’amakipe yombi, dore ko Spurs yawuyoboye kuva ku munota wa mbere kugeza ku munota wa nyuma. Kuva ku ntangiriro, Spurs yerekanye inyota y’intsinzi isoza agace ka mbere iyoboye n’ikinyura

Ikipe ya San Antonio Spurs yagaragaje ko ititeguye gusezererwa, nyuma yo gutsinda Oklahoma City Thunder (OKC) amanota 118-91 mu mukino wa gatandatu wa Finali y’Uburengerazuba (Western Conference Finals), bituma amakipe yombi anganya imikino 3-3. Uyu mukino wabaye mu rukerera rwo kuri uyu wa Gatanu tariki 29 Gicurasi 2026, ubera mu rugo rwa Spurs muri Frost Bank Center, wagaragaje itandukaniro rikomeye hagati y’amakipe yombi, dore ko Spurs yawuyoboye kuva ku munota wa mbere kugeza ku munota wa nyuma. Kuva ku ntangiriro, Spurs yerekanye inyota y’intsinzi isoza agace ka mbere iyoboye n’ikinyuranyo cy’amanota 13 (35-22). Umukino wakomeje kwiharirwa n’abasore ba Coach Gregg Popovich, baje no kuwusoza bafite ikinyuranyo cy’amanota 27 yose. Victor Wembanyama, umufaransa ukomeje kugaragaza ko ari we nkingi ya mwamba muri Spurs, yongeye kwerekana ubuhanga budasanzwe. Yasoje umukino afite amanota 28, anafata imipira 10(rebounds), anakuraho imipira itatu(3)'blocks'. Uyu musore w’ibigango yafashijwe  neza na Dylan Harper watsinze amanota 18 na Stephon Castle watsinze amanota 17. Inkingi ya mwamba ya Oklahoma City Thunder, Shai Gilgeous-Alexander. Uyu mukinnyi wagowe bikomeye n’ubwugarizi bwa Spurs, yasoje umukino afite amanota 15 gusa, nyuma yo guhusha imipira myinshi kuko yatsinze 6 gusa mu mipira 18 yateye(field goals). Umukino wahindutse burundu mu gace ka gatatu, ubwo Oklahoma City Thunder yamaze iminota umunani yose itarabasha gushyira inota na rimwe mu gakangara. Muri icyo gihe, Spurs yatsinze amanota 22 yikurikiranya (22-0 run), ibintu byaciye intege abakinnyi ba Thunder. Wembanyama kandi yakomeje kwandika amateka muri Spurs, aho yinjiye mu bakinnyi b'ibihangange nka David Robinson na Tim Duncan bafite nibura imikino itanu ya Playoffs batsinzemo amanota 25 cyangwa arenga banakora rebounds 10 cyangwa zirenga mu mwaka umwe w’imikino. Uruhererekane rw’iyi mikino ubu rugeze ku musozo, kuko amakipe yombi anganya 3-3. Umukino wa karindwi (Game 7) ari nawo wa nyuma uzasobanura uzahagararira Uburengerazuba, uteganyijwe ku Cyumweru, tariki 31 Gicurasi 2026, ukazabera mu mujyi wa Oklahoma City. Ikipe izatsinda uyu mukino wa karindwi, izahita ikatisha itike yo guhura na New York Knicks mu mikino ya nyuma ya NBA y'uyu mwaka.

Urushijeho kumenya. Urushijeho kwegera abandi.