Ku Cyumweru tariki ya 21 Kamena 2026, Kepler VC na Kenya Pipeline VC zegukanye ibikombe by’Irushanwa rya Volleyball ryo Kwibuka ku nshuro ya 32 Jenoside yakorewe Abatutsi mu 1994, nyuma yo gutsinda imikino ya nyuma mu byiciro by’abagabo n’abagore. Mu bagabo, Kepler VC yatsinze APR VC amaseti 3-0 (25-22, 28-26, 25-21), mu mukino waranzwe no guhangana cyane cyane mu iseti ya kabiri. Mu bagore, Kenya Pipeline VC yo muri Kenya yegukanye igikombe itsinze APR WVC amaseti 3-0 (25-17, 25-20, 25-15), igaragaza ubuhanga n’ubushobozi mu mukino wose. Iri rushanwa ryitabiriwe n’amakipe atandukanye yo mu

Ku Cyumweru tariki ya 21 Kamena 2026, Kepler VC na Kenya Pipeline VC zegukanye ibikombe by’Irushanwa rya Volleyball ryo Kwibuka ku nshuro ya 32 Jenoside yakorewe Abatutsi mu 1994, nyuma yo gutsinda imikino ya nyuma mu byiciro by’abagabo n’abagore. Mu bagabo, Kepler VC yatsinze APR VC amaseti 3-0 (25-22, 28-26, 25-21), mu mukino waranzwe no guhangana cyane cyane mu iseti ya kabiri. Mu bagore, Kenya Pipeline VC yo muri Kenya yegukanye igikombe itsinze APR WVC amaseti 3-0 (25-17, 25-20, 25-15), igaragaza ubuhanga n’ubushobozi mu mukino wose. Iri rushanwa ryitabiriwe n’amakipe atandukanye yo mu Rwanda ndetse no hanze yarwo, aho yabanje gukina imikino y’amatsinda mbere yo kugera mu byiciro byo guhatanira igikombe. Amakipe yagaragaje urwego rwiza, imbaraga n’umwuka wo guhangana mu minsi yose y’irushanwa. Irushanwa ryo Kwibuka ryateguwe mu rwego rwo kwibuka abazize Jenoside yakorewe Abatutsi mu 1994, ndetse no gukoresha siporo nk’uburyo bwo gusigasira ubumwe, ubusabane n’amahoro. Kepler VC na Kenya Pipeline VC basoje iri rushanwa begukanye ibikombe mu byiciro byombi, mu gihe abakunzi ba Volleyball bakomeje kuryoherwa n’imikino ikomeye.

APR WVC yatahanye umwanya wa Kabiri

Kenya Pipeline VC niyo yegukanye igikombe mu bagore

Kepler yayoboye umukino kuva utangiye kugeza urangiye

Byari ibyishimo bikomeye kuri Kepler nyuma y'umukino

Kepler niyo yegukanye igikombe cy'Irushanwa rya Volleyball ryo Kwibuka ku nshuro ya 32

Urushijeho kumenya. Urushijeho kwegera abandi.