Haringingo Yegukanye Igikombe

Ikipe ya Nyange iyobowe n’umutoza Haringingo, usanzwe atoza ikipe ya Rayon Sports yo mu Rwanda, yegukanye igikombe cya Charity Game nyuma yo gutsinda Ikipe ya Saido ibitego 2-1 mu mukino wahuje amakipe y’ibyamamare n’abakinnyi b’umupira w’amaguru i Bujumbura. Amakuru dukesha igitangazamakuru cy’i Burundi Akeza sport,ikipe ya Nyange yegukanye iki gikombe ku nshuro ya kabiri yikurikiranya. Uyu mukino wari ugamije guteza imbere ibikorwa by’urukundo no guhuza abakunzi b’umupira w’amaguru n’ibyamamare binyuze muri siporo. Ikipe ya Nyange yafunguye amazamu ku gitego cya Leonard mbere y’uko Amini a

Ikipe ya Nyange iyobowe n’umutoza Haringingo, usanzwe atoza ikipe ya Rayon Sports yo mu Rwanda, yegukanye igikombe cya Charity Game nyuma yo gutsinda Ikipe ya Saido ibitego 2-1 mu mukino wahuje amakipe y’ibyamamare n’abakinnyi b’umupira w’amaguru i Bujumbura. Amakuru dukesha igitangazamakuru cy’i Burundi Akeza sport,ikipe ya Nyange yegukanye iki gikombe ku nshuro ya kabiri yikurikiranya. Uyu mukino wari ugamije guteza imbere ibikorwa by’urukundo no guhuza abakunzi b’umupira w’amaguru n’ibyamamare binyuze muri siporo. Ikipe ya Nyange yafunguye amazamu ku gitego cya Leonard mbere y’uko Amini atsinda igitego cya kabiri cyayihesheje kuyobora umukino. Team Saido yaje kubona igitego kimwe cyatsinzwe na Destin, ariko ntiyabasha kwishyura ibitego bibiri yari yatsinzwe. Umutoza Haringingo, ufite inkomoko mu Burundi kandi usanzwe atoza Rayon Sports yo mu Rwanda, yari ayoboye ikipe yari irimo abakinnyi barimo Ndikumana Asman na Henry Msanga, bagize uruhare mu gufasha Ikipe ya Nyange kugera ku ntsinzi. Umukino waranzwe n’ishyaka ryinshi ndetse n’ubwitabire bw’abakunzi ba siporo bari baje kwihera ijisho iri rushanwa. Iyi ntsinzi yahesheje Ikipe ya Nyange kwisubiza igikombe cya Charity Game, ikomeza kuba ikipe ya mbere yegukanye iri rushanwa inshuro ebyiri. Intsinzi y’iyi kipe yongeye kugaragaza uruhare rw’abakinnyi n’abatoza bafite amazina akomeye mu guteza imbere ibikorwa bya siporo n’ubugiraneza mu Burundi.

Byari ibyishimo bikomeye ku bakinnyi b'ikipe ya Nyange