APR yasinyishije umukinnyi mushya

APR FC yatangaje ko yasinyishije umukinnyi wo hagati Rubuguza Jean Pierre amasezerano y'imyaka ibiri nyuma yo kuva muri Gicumbi FC, aho yari amaze gutsinda ibitego birindwi mu mikino 21 ya Shampiyona, aba umukinnyi wa gatatu mushya iyi kipe y'Ingabo z'Igihugu imaze kwerekana muri iyi mpeshyi. Aya makuru yatangajwe na APR FC binyuze ku mbuga nkoranyambaga zayo, aho yakiriye uyu mukinnyi mu muryango wayo ndetse imwifuriza kuzagira ibihe byiza mu mabara y'umukara n'umweru. Mu butumwa bwayo, iyi kipe yavuze ko Rubuguza aje afite ubushake, ishyaka n'inyota yo kurwanira ikirango cya APR FC, ishima

APR FC yatangaje ko yasinyishije umukinnyi wo hagati Rubuguza Jean Pierre amasezerano y'imyaka ibiri nyuma yo kuva muri Gicumbi FC, aho yari amaze gutsinda ibitego birindwi mu mikino 21 ya Shampiyona, aba umukinnyi wa gatatu mushya iyi kipe y'Ingabo z'Igihugu imaze kwerekana muri iyi mpeshyi. Aya makuru yatangajwe na APR FC binyuze ku mbuga nkoranyambaga zayo, aho yakiriye uyu mukinnyi mu muryango wayo ndetse imwifuriza kuzagira ibihe byiza mu mabara y'umukara n'umweru. Mu butumwa bwayo, iyi kipe yavuze ko Rubuguza aje afite ubushake, ishyaka n'inyota yo kurwanira ikirango cya APR FC, ishimangira ko iyinjira rye ari intangiriro y'urugendo rushya rugamije gukomeza kubaka ikipe ikomeye ishobora guhatana ku rwego rwo hejuru. Rubuguza yageze muri APR FC nyuma yo kwitwara neza muri Gicumbi FC mu mwaka ushize w'imikino, aho yatsinze ibitego birindwi mu mikino 21 ya Shampiyona. Umusaruro we ni umwe mu byatumye yigarurira icyizere cy'iyi kipe ikomeje gushimangira urwego rw'abakinnyi bayo mbere y'itangira ry'amarushanwa atandukanye. Uyu mukinnyi abaye uwa gatatu mushya APR FC itangaje muri iyi mpeshyi nyuma ya myugariro Ishimwe Christian na rutahizamu Amani Kouadiokan Michel Breygeneve, bose bagizwe igice cya gahunda yo kongerera imbaraga ikipe yitegura guhatanira ibikombe imbere mu gihugu no mu marushanwa Nyafurika. Abakunzi ba APR FC bategereje kureba umusaruro Rubuguza azatanga mu kibuga hagati, mu gihe iyi kipe ikomeje ibikorwa byo kwiyubaka no kwitegura umwaka mushya w'imikino.

Rubuguza Jean Pierre yasinye amasezerano y'imyaka ibiri