APR FC yakomeje ibikorwa byo kwiyubaka yitegura umwaka mushya w'imikino, nyuma yo gusinyisha rutahizamu ukomoka muri Côte d'Ivoire, Amani Kouadiokan, mu masaha y'igicamunsi cyo kuri uyu wa Gatandatu. Amafoto yagiye hanze agaragaza Kouadiokan ari ku cyicaro cya APR FC asinya amasezerano, ibintu byahise bikurura ibyishimo mu bafana b'iyi kipe y'Ingabo z'Igihugu. Uyu mukinnyi yari asanzwe akinira AFAD Plateau yo muri Côte d'Ivoire, akaba azwiho gukina ku ruhande rw'ibumoso rw'ubusatirizi ndetse no hagati mu kibuga asatira. Kouadiokan aje yiyongera ku bandi bakinnyi APR FC imaze kongeramo muri i

APR FC yakomeje ibikorwa byo kwiyubaka yitegura umwaka mushya w'imikino, nyuma yo gusinyisha rutahizamu ukomoka muri Côte d'Ivoire, Amani Kouadiokan, mu masaha y'igicamunsi cyo kuri uyu wa Gatandatu. Amafoto yagiye hanze agaragaza Kouadiokan ari ku cyicaro cya APR FC asinya amasezerano, ibintu byahise bikurura ibyishimo mu bafana b'iyi kipe y'Ingabo z'Igihugu. Uyu mukinnyi yari asanzwe akinira AFAD Plateau yo muri Côte d'Ivoire, akaba azwiho gukina ku ruhande rw'ibumoso rw'ubusatirizi ndetse no hagati mu kibuga asatira. Kouadiokan aje yiyongera ku bandi bakinnyi APR FC imaze kongeramo muri iyi mpeshyi, mu rwego rwo gukomeza kongera imbaraga z'ikipe izahatanira ibikombe imbere mu gihugu no ku rwego rwa Afurika. Nubwo ubuyobozi bwa APR FC butaratangaza igihe amasezerano ye azamara, abafana benshi bamaze gutangira gutegereza umusaruro azatanga muri iyi kipe ifite intego yo gukomeza kwiharira ibikombe.

Urushijeho kumenya. Urushijeho kwegera abandi.