Ikipe y’Igihugu y’Abagore ya Australia mu mupira w’amaguru, ni ikipe ibarirwa mu banyamuryango b’Impuzamashyirahamwe y’umupira w’amaguru muri Asiya ( Asian Football Confederation) nyuma y’uko ivuye mu Impuzamashyirahamwe y’umupira w’amaguru muri Oceania ( Oceanian Football Confederation).
Ikipe y’Igihugu y’abagore ya Australia icungwa ndetse inkanagenzurwa na n’Ishiyahamwe rya ruhago rya Australia. Iyi kipe itazirwa Izina rya ‘ Matildas’ yiswe kuva mu 1995.
Matildas kuri ubu itozwa na Tony Gustavsson, mu gihe Kapiteni wayo ari Sam Kerr usanzwe ukinira ikipe ya Chelsea mu Bwongereza, umukinnyi umaze guhamarwa inshuro nyinshi ni Clare Polkinghome wahamagawe inshuro 154. Sam Kerr niwe rutahizamu w’ibihe byose kuko amaze kuyitsindira ibitego 62.
Ikipe y’Igihugu ya Australia mu bagore yambara imyenda imipira y’umuhondo n’amakabutura y’icyatsi iyo iri mu rugo.
Matildas umukino wa mbere Mpuzamahanga yakinnye hari ku itariki 06 Ukwakira 1979, ikina na New Zealand banganya ibitego bibiri kuri bibiri. Itsinzi ikomeye yagize yatsinze ibitego 21 itsinda American Samoa, ku itariki 9 Ukwakira 1998, mu gihe itsinzwi mbi yagize ari ugutsindwa na Leta Zunze Ubumwe za Amerika ibitego 9-1, ku itariki 5 Kamena 1997.
Mu mikino y’igikombe cy’Isi cy’abagore imaze ku itabira inshuro 8, ku nshuro ya mbere hari mu 1995, kure yageze ni muri ¼ muri 2007,2011 na 2015. Umwanya mwiza yagize ku rutonde ngarukakwezi rwa FIFA ni umwanya wa 4 mu kwezi kwa 12 muri 2017 ,mu gihe umwanya mubi ari uwa 16 mu kwezi kwa Cumi muri 2006 . Uku kwezi kwa Gatandatu yari ku mwanya wa 10.
Clare Polkinghome umaze guhamarwa inshuro nyinshi mu ikipe y’igihugu ya Australia.
Sam Kerr, Kapiteni wa Australia.
Ikipe y’igihugu ya Australia itazirwa ‘Matildas’.