Amad Diallo Yagarutse mu Irerero Ryamureze Atera Imbaraga Abana Baryo

Rutahizamu wa Manchester United ndetse n'ikipe y'igihugu ya Côte d'Ivoire, Amad Diallo, yongeye kugaragaza ko atigeze yibagirwa aho urugendo rwe rwatangiriye. Mu biruhuko bye, yasubiye muri Leader Foot Académie, ishuri ry'umupira ryamuvumbuye rikamufasha kuzamuka kugeza ageze ku rwego rw'umupira w'amaguru rw'isi. Mu mashusho yakwirakwijwe ku mbuga nkoranyambaga, Amad agaragara ari gukorana imyitozo n'abana bato bahiga muri iri rerero. Yabigishije uburyo bwo kugenzura umupira, kuwutanga neza ndetse anasangira na bo ibihe byuzuyemo ibyishimo. Byatumye abana benshi bumva ko gukina n'icyamamare n

Rutahizamu wa Manchester United ndetse n'ikipe y'igihugu ya Côte d'Ivoire, Amad Diallo, yongeye kugaragaza ko atigeze yibagirwa aho urugendo rwe rwatangiriye. Mu biruhuko bye, yasubiye muri Leader Foot Académie, ishuri ry'umupira ryamuvumbuye rikamufasha kuzamuka kugeza ageze ku rwego rw'umupira w'amaguru rw'isi. Mu mashusho yakwirakwijwe ku mbuga nkoranyambaga, Amad agaragara ari gukorana imyitozo n'abana bato bahiga muri iri rerero. Yabigishije uburyo bwo kugenzura umupira, kuwutanga neza ndetse anasangira na bo ibihe byuzuyemo ibyishimo. Byatumye abana benshi bumva ko gukina n'icyamamare nk'icyo ari amahirwe adasanzwe. Leader Foot Académie izwiho kuvumbura impano nyinshi muri Côte d'Ivoire. Kuba Amad Diallo yaragarutse aho yatangiriye ni ikimenyetso cy'uko yubaha abamufashije gutera intambwe za mbere ndetse ko ashaka gusangiza ubunararibonye bwe abakiri bato bafite inzozi zo kuzaba abanyamupira babigize umwuga. Abakurikiranira hafi umupira w'amaguru bashimye cyane iki gikorwa, bavuga ko atari buri mukinnyi usubira aho yatangiriye kugira ngo afashe abakiri kuzamuka. Benshi bagaragaje ko ibikorwa nk'ibi bitera icyizere urubyiruko kandi bikongera icyubahiro cy'umukinnyi imbere y'abafana. Nubwo Amad akiri muto, amaze kuba umwe mu bakinnyi bafite ejo hazaza heza muri Afurika. Ibikorwa nk'ibi byerekana ko intsinzi nyayo itarangirira ku kibuga gusa, ahubwo ko harimo no gufasha abandi kugera ku nzozi zabo no gusubiza umuryango ibyo waguhaye.