Mu myaka mirongo itatu ishize, u Rwanda rwateye intambwe ikomeye mu guhindura urwego rw’ubuhinzi hagamijwe kuzamura iterambere rirambye, kuzamura imibereho y’abaturage, no kwihaza mu Biribwa.
Uru rugendo rw’u Rwanda rwerekana ubushobozi bukomeye bwo guhanga udushya, kwihangana, no kwiyubaka, kuva ku gihugu cyari gifite ibibazo mu buhinzi kugeza ku gihugu cyiyemeje gutera inkunga abahinzi b’abaturage bacyo.
Impinduka mu buhinzi bw’u Rwanda
Imyaka 30 yo Guhinduka
Kwiyemeza guteza imbere ubuhinzi mu Rwanda byabaye umusingi w’iterambere ry’ubukungu bw’igihugu no kwiyubaka nk’igihugu.
Leta y’u Rwanda yashyizeho politiki na gahunda zitandukanye zigamije guhindura imikorere y’ubuhinzi, kuzamura umutekano w’ibiribwa no guteza imbere imibereho y’abanyarwanda benshi.
Urugendo rw’impinduka rwatangijwe n’ubuyobozi bwa RPF nyuma yo guhagarika Jenoside yakorewe Abatutsi mu 1994, hagamijwe kugarura amahoro, umutekano, no kwiyubaka nk’igihugu.
Politiki y’Igihugu mu Buhinzi na Vision 2020
Politiki y’ubuhinzi igamije kurwanya ubukene binyuze mu guteza imbere ubuhinzi burambye, kunoza ikoreshwa ry’ubutaka, no guteza imbere ubushakashatsi mu buhinzi.
Bimwe mu byakozwe harimo gukuba umusaruro w’imyaka, gushyiraho ibikorwa remezo birimo imihanda n’ububiko, no guteza imbere uburyo bugeza ku musaruro.
Iki cyerekezo cyahinduye imitekerereze y’ubuhinzi mu Rwanda, bituma abahinzi barushaho kubona umusaruro mwinshi mu butaka buto bafite.
Gahunda yo Guhuza Ubutaka no Kwongera Umusaruro
Mu 2007, gahunda yo guhuza ubutaka no kwongera umusaruro yashyizweho mu rwego rwo guhangana n’ibura ry’ibiribwa no kwongera umusaruro w’imyaka binyuze mu gukoresha imbuto nziza n’ifumbire.
Iyi gahunda ifasha u Rwanda kwihaza mu biribwa nk’ibigori, ibishyimbo, n’ibirayi, bituma abanyarwanda babona ibyo bakeneye mu mirire yabo kandi bigatuma igihugu kitagikeneye guhaha ibiribwa mu mahanga.
Gahunda ya ‘Gira Inka’
Gira Inka ni imwe muri gahunda yatanze umusanzu umusanzu ukomeye mu kurwanya imirire mibi no gukura abanyarwanda mu bukene .
Yatangiye mu 2006 ifite intego yo gufasha buri rugo rukennye kubona inka.
Iyi gahunda yafashije imiryango ibihumbi kubona amata, ifumbire, n’amafaranga aturuka ku nka.
Byongeye kandi, gahunda ya Girinka yateje imbere umubano , aho uwahawe inka asabwa kwitura undi akamworoza.
Guteza Imbere Abaturage b’Ubuhinzi Binyuze mu Ikoranabuhanga
Intambwe y’u Rwanda, ntiyagarukiye gusa muri politiki ahubwo yanibanze ku guteza imbere abaturage b’abahinzi kugira ngo bagire uruhare rukomeye mu iterambere ry’ubuhinzi.
Kubaka ubushobozi bw’abaturage no guteza imbere ikoranabuhanga byahaye abahinzi b’abaturage ubumenyi n’ubushobozi bwo kwigira ku masomo mashya no kubona umusaruro ushimishije.
Uburezi mu Buhinzi
Amashuri y’ubuhinzi n’ubujyanama byafashije abahinzi kubona ubumenyi ku bijyanye n’ubuhinzi bugezweho, nko gukoresha amazi neza no kurwanya ibyonnyi.
Amatsinda y’Abahinzi
Hashyizweho amatsinda yo kwizigamira no kugurizanya afasha abahinzi kubona inguzanyo.
Aya matsinda yo kwizigamira yateje imbere ubukungu bw’abahinzi kandi abafasha kubona ibikoresho, imbuto nziza, n’ifumbire.
Ikoranabuhanga mu Buhinzi
U Rwanda rwakoresheje ikoranabuhanga mu buhinzi rishyiraho uburyo bw’imyirondoro ya telefone igenewe guha abahinzi amakuru ku bijyanye n’ibiciro by’isoko ku buryo bwihuse.
Ubuhinzi nk’inzira igana ku Iterambere
Kwiyemeza kw’u Rwanda guteza imbere abaturage babinyujije mu buhinzi byagize ingaruka zikomeye mu kugabanya ubukene no kuzamura imibereho y’abaturage.
Uyu munsi, ubuhinzi butanga ibirenga 30% by’umusaruro mbumbe w’igihugu, butanga akazi ku baturage benshi, bityo bukaba umusingi w’ubukungu bw’igihugu.
Kwitabira kw’Abagore mu Buhinzi
U Rwanda rwashyize imbaraga mu gutera inkunga abagore mu buhinzi, bituma bongera uruhare rwabo mu iterambere ry’ubukungu bw’igihugu.
Abagore bitabiriye guhabwa imyanya y’ubuyobozi mu matsinda y’abahinzi, bikaba byarabafashije kuzamura imibereho yabo.
Urubyiruko mu Buhinzi
Urubyiruko rwinshi rukomeza kwitabira ubuhinzi nk’uburyo bwiza bwo kubona akazi no kwiteza imbere. Iyi gahunda yo kwigira ku buhinzi ni bumwe mu buryo bwashyigikiye urubyiruko rw’igihugu, rukaba rwariyemeje gutanga umusanzu mu buhinzi bw’u Rwanda.
Amafoto
