Ikipe ya Vipers SC yo muri Uganda yatangiye neza irushanwa rya CECAFA Kagame Cup 2026 riri kubera i Kigali, itsinda Garde Républicaine FC yo muri Djibouti ibitego 3-0 mu mukino wa mbere w'Itsinda A wabereye kuri Stade Amahoro ku wa 24 Nyakanga 2026. Uwahoze ari rutahizamu w'Ikipe y'Igihugu ya Uganda, Farouk Miya yafunguye amazamu ku munota wa 17 atsinda kufura, mbere yo kongeramo igitego cya kabiri ku munota wa 38. Mbere y'uko igice cya mbere kirangira, Abdu Karim Watambala yatsinze igitego cya gatatu, bituma Vipers ijya kuruhuka iyoboye umukino ku ntsinzi ya 3-0. Mu gice cya kabiri, Garde R

Ikipe ya Vipers SC yo muri Uganda yatangiye neza irushanwa rya CECAFA Kagame Cup 2026 riri kubera i Kigali, itsinda Garde Républicaine FC yo muri Djibouti ibitego 3-0 mu mukino wa mbere w'Itsinda A wabereye kuri Stade Amahoro ku wa 24 Nyakanga 2026. Uwahoze ari rutahizamu w'Ikipe y'Igihugu ya Uganda, Farouk Miya yafunguye amazamu ku munota wa 17 atsinda kufura, mbere yo kongeramo igitego cya kabiri ku munota wa 38. Mbere y'uko igice cya mbere kirangira, Abdu Karim Watambala yatsinze igitego cya gatatu, bituma Vipers ijya kuruhuka iyoboye umukino ku ntsinzi ya 3-0. Mu gice cya kabiri, Garde Républicaine FC yagerageje guhindura uburyo ikina no gusatira cyane, ariko inanirwa kubona igitego kubera ubwugarizi bukomeye bwa Vipers SC bwari buyobowe na Kevin Dasylva Bady na Nicholas Mwere. Nyuma y'umukino, umutoza wa Vipers SC, Denis Jean Lavagne, yavuze ko bishimiye gutangira irushanwa batsinze kandi ko ubu bahise batangira gutegura umukino uzabahuza na Gor Mahia FC yo muri Kenya. Ku rundi ruhande, umutoza wa Garde Républicaine FC, Ahmed Robleh, yemeye ko ikipe ye itakinnye neza igice cya mbere, nubwo yavuze ko yitwaye neza nyuma y'ikiruhuko. Nyuma y'uyu mukino, hateganyijwe ko APR FC ihura na Gor Mahia FC mu wundi mukino w'Itsinda A.

Urushijeho kumenya. Urushijeho kwegera abandi.