Umucuruzi uzwi cyane muri Zimbabwe, Wicknell Chivayo, n’umugore we Lucy Muteke, bari mu bantu batandatu baguye mu mpanuka ya kajugujugu yabaye mu burasirazuba bw’umujyi wa Harare ku wa Gatatu. Polisi yatangaje ko iyo kajugujugu yakoze impanuka mu gace ka Marondera, ku birometero hafi 72 uvuye ku murwa mukuru Harare, ahagana saa cyenda z’amanywa ku isaha yo muri Zimbabwe. Kajugujugu yahise ifatwa n’inkongi y’umuriro. Chivayo wari ufite imyaka 43, yari umucuruzi uzwi cyane muri Zimbabwe, wamamaye kubera imibereho y’akataraboneka ndetse n’imibanire ya hafi n’ishyaka riri ku butegetsi, ZANU-PF.

  Umucuruzi uzwi cyane muri Zimbabwe, Wicknell Chivayo, n’umugore we Lucy Muteke, bari mu bantu batandatu baguye mu mpanuka ya kajugujugu yabaye mu burasirazuba bw’umujyi wa Harare ku wa Gatatu. Polisi yatangaje ko iyo kajugujugu yakoze impanuka mu gace ka Marondera, ku birometero hafi 72 uvuye ku murwa mukuru Harare, ahagana saa cyenda z’amanywa ku isaha yo muri Zimbabwe. Kajugujugu yahise ifatwa n’inkongi y’umuriro. Chivayo wari ufite imyaka 43, yari umucuruzi uzwi cyane muri Zimbabwe, wamamaye kubera imibereho y’akataraboneka ndetse n’imibanire ya hafi n’ishyaka riri ku butegetsi, ZANU-PF. Umuryango wa Chivayo wemeje ko yapfuye, mu gihe abayobozi bavuze ko hakomeje gukorwa ibikorwa byo kumenya amazina n’irangamuntu by’abantu batandatu bose bahitanywe n’iyo mpanuka. Isosiyete ya Chivayo yari yarahawe amasezerano akomeye na Guverinoma mu rwego rw’ingufu, harimo n’amasezerano afite agaciro ka miliyoni zirenga 170 z’amadolari ya Amerika, yo kubaka uruganda rukora amashanyarazi akomoka ku mirasire y’izuba i Gwanda. Kugeza ubu, impamvu yateye iyo mpanuka ntiramenyekana. Iperereza rirakomeje kugira ngo hamenyekane icyateye kajugujugu gukora iyo mpanuka.   Umwanditsi: Marie Florence NDAYISHIMIYE

Urushijeho kumenya. Urushijeho kwegera abandi.