Ubushinwa bwatangaje ko bwungutse akayabo ka madorari ku bucuruzi mpuzamahanga

Ku wa Mbere, Ubushinwa bwatangaje ko bwungutse hafi tiriyari $1 mu bucuruzi mpuzamahanga mu mwaka ushize, bitewe n’ibicuruzwa byarenze ku masoko mpuzamahanga, mu gihe inganda n’imiryango yo mu gihugu yagize ubwitonzi mu gukoresha amafaranga ku bicuruzwa bituruka hanze. Iyo iyi nyungu itunganyijwe hagendewe ku gipimo cy'izamuka ry'ibiciro, inyungu y'Ubushinwa mu bucuruzi mpuzamahanga yarenze izindi zose mu kinyejana gishize, ndetse n'izo z’ibihugu byamamaye mu bucuruzi nk’u Budage, u Buyapani cyangwa Leta Zunze Ubumwe za Amerika. Inganda z'Ubushinwa zirimo kwigarurira urwego rw’inganda mpuzam

Ku wa Mbere, Ubushinwa bwatangaje ko bwungutse hafi tiriyari $1 mu bucuruzi mpuzamahanga mu mwaka ushize, bitewe n’ibicuruzwa byarenze ku masoko mpuzamahanga, mu gihe inganda n’imiryango yo mu gihugu yagize ubwitonzi mu gukoresha amafaranga ku bicuruzwa bituruka hanze. Iyo iyi nyungu itunganyijwe hagendewe ku gipimo cy'izamuka ry'ibiciro, inyungu y'Ubushinwa mu bucuruzi mpuzamahanga yarenze izindi zose mu kinyejana gishize, ndetse n'izo z’ibihugu byamamaye mu bucuruzi nk’u Budage, u Buyapani cyangwa Leta Zunze Ubumwe za Amerika. Inganda z'Ubushinwa zirimo kwigarurira urwego rw’inganda mpuzamahanga ku rwego rutigeze rubaho kuva Leta Zunze Ubumwe za Amerika nyuma y’Intambara ya Kabiri y’Isi. Ibisohoka byinshi bivuye mu nganda z’Ubushinwa byakomeje kuvugwaho cyane n’ibihugu byinshi bikorana nabwo. Ibihugu byateye imbere n’ibikiri mu nzira y’amajyambere byashyizeho imisoro miremire, bigamije kugabanya ibyo bicuruzwa. Ibyo byatumye Ubushinwa butera indi ntambwe yo gusubiza ayo mahame, ibintu bishobora kuzamura amakimbirane mu bucuruzi mpuzamahanga, bikagira ingaruka ku bukungu bw’isi muri rusange. Umwaka ushize, Ubushinwa bwohereje ibicuruzwa bifite agaciro ka tiriyoni $3.58, mu gihe bwatumijeho ibifite agaciro ka tiriyoni $2.59, bituma bugaragaza inyungu y’amadolari miliyari $990, ikaba yarenze iyo bwari bwungutse mbere muri 2022 ingana na miliyari $838. Mu Kuboza 2024, Ubushinwa bwagize inyungu nshya ya miliyari $104.8 mu kwezi kumwe gusa, kubera ubucuruzi bukomeye, harimo n’ibicuruzwa byoherejwe mu mahanga mbere y'uko Perezida Donald Trump atangira inshingano agashyiraho imisoro mishya. Nubwo Ubushinwa bwungutse byinshi mu bucuruzi mpuzamahanga, ubukungu bw’imbere mu gihugu bwugarijwe n’ibibazo bikomeye. Isoko ry’inzu ryarasenyutse, abantu benshi batakaza akazi, cyane cyane abakozi bo mu rwego rw’ubwubatsi, mu gihe abanyamuryango b’icyiciro cy’abakire mu gihugu babuze byinshi mu bizigamira byabo. Gusa, ibyo byose ntibyabujije Ubushinwa kuba ku isonga mu kohereza ibicuruzwa byinshi birimo imodoka, ingufu z'izuba (solar panels), ndetse no gukora indege nto mu rwego rwo gusimbura Airbus na Boeing mu bihe bizaza. Ubushinwa bwubatse uru rwego rukomeye rubikesha ishoramari rinini mu nganda, uburezi, n’ibikorwaremezo. By’umwihariko, gahunda ya "Made in China 2025" yashowemo miliyari $300 mu guteza imbere inganda zikorera imbere mu gihugu.   Abasesenguzi mpuzamahanga baribaza niba Ubushinwa buzashobora gukomeza kuyobora ubucuruzi mpuzamahanga, cyane ko ibihugu byinshi biri kongera imisoro mu rwego rwo guhangana n’ubucuruzi bwarwo.   Abasesenguzi: "Ibindi bihugu biracyari inyuma mu guhangana n'ibiciro by'Ubushinwa" Nubwo hari imisoro yashyizweho mu bihugu bitandukanye, abayobozi b’inganda bavuga ko Ubushinwa bukomeje kugaragara nk’ahantu honyine ushobora kubona ibicuruzwa ku giciro gito cyane.   Eric Poses, umuyobozi w’uruganda "All Things Equal" ryo muri Miami Beach rukora ibikinisho by’amajwi n’iby’amashanyarazi, yagize ati: "Kwifuza gukora ibyo muri Amerika ni byiza, ariko ntibishoboka mu buryo bw’ubukungu."   Ni byo koko, Ubushinwa bwihariye kimwe cya gatatu cy’ibicuruzwa byose bikorerwa ku isi, ndetse bukaba bukomeje kugaragara nk’igihangange mu nganda mpuzamahanga.