Ibicuruzwa u Rwanda rwohereza mu Bushinwa byikubye inshuro zirenga eshatu mu gihembwe cya kabiri cya 2026, bigera kuri miliyoni 142.38 z’amadolari ya Amerika, avuye kuri miliyoni 40.88 z’amadolari mu gihembwe nk’icyo cya 2025. Ibi bigaragazwa na raporo y’Ikigo cy’Igihugu cy’Ibarurishamibare (NISR) yasohotse ku wa 23 Nzeri 2026. Raporo ya NISR igaragaza ko hagati ya Mata na Kamena 2026, Ubushinwa bwabaye isoko rya mbere ry’ibicuruzwa u Rwanda rwohereza mu mahanga, bugura ibicuruzwa bifite agaciro ka miliyoni 142.38 z’amadolari, bingana na 25.93% by’ibyoherezwa byose mu mahanga byakorewe mu Rwa

Ibicuruzwa u Rwanda rwohereza mu Bushinwa byikubye inshuro zirenga eshatu mu gihembwe cya kabiri cya 2026, bigera kuri miliyoni 142.38 z’amadolari ya Amerika, avuye kuri miliyoni 40.88 z’amadolari mu gihembwe nk’icyo cya 2025. Ibi bigaragazwa na raporo y’Ikigo cy’Igihugu cy’Ibarurishamibare (NISR) yasohotse ku wa 23 Nzeri 2026. Raporo ya NISR igaragaza ko hagati ya Mata na Kamena 2026, Ubushinwa bwabaye isoko rya mbere ry’ibicuruzwa u Rwanda rwohereza mu mahanga, bugura ibicuruzwa bifite agaciro ka miliyoni 142.38 z’amadolari, bingana na 25.93% by’ibyoherezwa byose mu mahanga byakorewe mu Rwanda. Muri icyo gihembwe, agaciro k’ibicuruzwa byose u Rwanda rwohereje mu mahanga kageze kuri miliyoni 548.98 z’amadolari, kiyongeraho 58.65% ugereranyije n’igihembwe cya kabiri cya 2025. Nubwo u Rwanda rwohereje ibicuruzwa byinshi mu Bushinwa, rwanatumije muri icyo gihugu ibicuruzwa bifite agaciro ka miliyoni 415.89 z’amadolari. Muri rusange, Ubushinwa bwakomeje kuba igihugu u Rwanda rutumizamo ibicuruzwa byinshi kurusha ibindi. Ubwiyongere bw’ibicuruzwa u Rwanda rwohereza mu Bushinwa bugaragaza uruhare rw’iri soko mu bucuruzi bw’u Rwanda n’amahirwe ashobora kuboneka mu kwagura ibicuruzwa by’u Rwanda bigera ku masoko mpuzamahanga. UMWANDITSI: MUNYERAGWE Josue  

Urushijeho kumenya. Urushijeho kwegera abandi.