U Rwanda rwongereye ibyoherezwa mu mahanga hifashishijwe avoka.

U Rwanda rwohereje toni 70 z’avoka muri Leta Zunze Ubumwe z’Abarabu (UAE), mu rwego rwo kwagura amasoko y’umusaruro w’abahinzi b’Abanyarwanda mu mahanga. Izi avoka zoherejwe ku wa 17 Nzeri 2026 n’uruganda rwa Kumwe Green Farms, nyuma yo gukusanywa ku bahinzi barenga 1,000. TradeMark Africa yatangaje ko hafi 70% by’abo bahinzi ari abagore bakiri bato. Ibi bibafasha kubona isoko ryo hanze no kongera amahirwe yo kwinjiza amafaranga binyuze mu buhinzi. Umusaruro woherejwe mu ndege yabugenewe nyuma yo gukusanywa, gutoranywa no gupakirwa hakurikijwe ibisabwa ku isoko mpuzamahanga. Iki gikorwa cy

U Rwanda rwohereje toni 70 z’avoka muri Leta Zunze Ubumwe z’Abarabu (UAE), mu rwego rwo kwagura amasoko y’umusaruro w’abahinzi b’Abanyarwanda mu mahanga. Izi avoka zoherejwe ku wa 17 Nzeri 2026 n’uruganda rwa Kumwe Green Farms, nyuma yo gukusanywa ku bahinzi barenga 1,000. TradeMark Africa yatangaje ko hafi 70% by’abo bahinzi ari abagore bakiri bato. Ibi bibafasha kubona isoko ryo hanze no kongera amahirwe yo kwinjiza amafaranga binyuze mu buhinzi. Umusaruro woherejwe mu ndege yabugenewe nyuma yo gukusanywa, gutoranywa no gupakirwa hakurikijwe ibisabwa ku isoko mpuzamahanga. Iki gikorwa cyabaye muri gahunda ya Value-Added Initiative to Boost Employment (VIBE), igamije gufasha abahinzi kubona amasoko mashya no guteza imbere imirimo ishingiye ku buhinzi. Ikigo cy’Igihugu gishinzwe guteza imbere ibyoherezwa mu mahanga by’ibikomoka ku buhinzi n’ubworozi (NAEB) kiri mu bigo biteza imbere ubuhinzi bw’avoka n’isoko ryabwo. NAEB ifite gahunda yo kwagura ubuhinzi bw’avoka ku buso bwa hegitari 800 mu turere dutanu, aho biteganyijwe ko izagera ku bahinzi bato bagera ku 1,600. U Rwanda rufite kandi gahunda yo kongera amafaranga rwinjiza mu mahanga avuye ku musaruro w’ubuhinzi, harimo avoka. Kwagura amasoko y’uyu musaruro bishobora gutuma abahinzi babona amasoko arambye ndetse n’igihugu kikongera ibyoherezwa mu mahanga. Abakora muri uru rwego basabwa gukomeza kubahiriza ibisabwa ku masoko mpuzamahanga, cyane cyane ubuziranenge bw’umusaruro, uburyo bwo kuwusaruza, kuwutoranya, kuwupakira no kuwutwara. Kohereza toni 70 z’avoka muri UAE ni kimwe mu bikorwa bigaragaza amahirwe ari mu buhinzi bw’ibihingwa byoherezwa mu mahanga, ndetse n’uburyo abahinzi bato bashobora kugera ku masoko mpuzamahanga. Uwanditse:Rahab Iradukunda.