Qatar n’u Bufaransa Berekanye Documentary film“Inside Gaza”

Qatar n’u Bufaransa bakomeje gushyira imbaraga mu gukangurira amahanga kureba ibibazo byugarije abaturage bo muri Gaza, binyuze mu kwerekana filime mbarankuru yiswe “Inside Gaza”, yagaragajwe ku wa Kabiri i Doha.   Iki gikorwa cyateguwe na Minisiteri y’Ububanyi n’Amahanga ya Qatar ku bufatanye na Ambasade y’u Bufaransa muri Qatar, kikabera muri Museum of Islamic Art. Cyitabiriwe n’abayobozi bakuru, abadipolomate, abanyamakuru ndetse n’abahagarariye imiryango itandukanye.   Mu ijambo rye, Ibrahim bin Sultan Al Hashmi, uyobora Ishami ry’Itangazamakuru n’Itumanaho muri Minisiteri y’Ububanyi n

Qatar n’u Bufaransa bakomeje gushyira imbaraga mu gukangurira amahanga kureba ibibazo byugarije abaturage bo muri Gaza, binyuze mu kwerekana filime mbarankuru yiswe “Inside Gaza”, yagaragajwe ku wa Kabiri i Doha.   Iki gikorwa cyateguwe na Minisiteri y’Ububanyi n’Amahanga ya Qatar ku bufatanye na Ambasade y’u Bufaransa muri Qatar, kikabera muri Museum of Islamic Art. Cyitabiriwe n’abayobozi bakuru, abadipolomate, abanyamakuru ndetse n’abahagarariye imiryango itandukanye.   Mu ijambo rye, Ibrahim bin Sultan Al Hashmi, uyobora Ishami ry’Itangazamakuru n’Itumanaho muri Minisiteri y’Ububanyi n’Amahanga ya Qatar, yavuze ko “Inside Gaza” atari filime isanzwe ahubwo ari ubuhamya bugaragaza imibereho nyakuri y’abaturage ba Gaza n’ibibazo bakomeje guhura nabyo kubera intambara.   Yagaragaje ko iyo documentary inatanga ishusho y’akaga abanyamakuru bakorera muri Gaza bahura na ko buri munsi, aho benshi muri bo bahasize ubuzima mu gihe bageragezaga kugeza amakuru ku Isi.   Ambasaderi wa Palestine muri Qatar, Fayez Majed Abu Al Rab, yashimiye Qatar n’u Bufaransa ku bw’iki gikorwa, avuga ko ari intambwe ikomeye mu gutuma amahanga amenya neza ibiri kubera muri Gaza. Yasabye kandi ko hakorwa iperereza ryigenga ku byaha bivugwa ko byakorewe abanyamakuru n’abakozi b’itangazamakuru.   Ku ruhande rw’u Bufaransa, Ambasaderi Arnaud Pescheux yagaragaje impungenge ziterwa n’ubwiyongere bw’ibitero byibasira abanyamakuru ku Isi. Yavuze ko kwibasira abanyamakuru binyuranyije n’amategeko mpuzamahanga kandi ko ababigiramo uruhare bagomba kubihanirwa.   Iyi documentary yibanda cyane ku mibereho y’abaturage bo muri Gaza, ikagaragaza ingorane bahura na zo buri munsi ndetse n’ubwitange bw’abanyamakuru bakomeje gukora akazi kabo mu bihe bikomeye cyane.   Iki gikorwa kiri mu bikorwa Qatar n’u Bufaransa bikomeje gukorana mu rwego rwo gushyigikira ubwisanzure bw’itangazamakuru no guteza imbere uburenganzira bwa muntu mu bice byugarijw

e n’intambara.