Perezida Kagame yakiriye Gen. Muhoozi Kainerugaba baganira ku bufatanye n'umutekano mu karere

Perezida wa Repubulika y'u Rwanda, Paul Kagame, ku wa Gatandatu tariki ya 25 Nyakanga 2026, yakiriye mu biro bye Gen. Muhoozi Kainerugaba, Umugaba Mukuru w'Ingabo za Uganda (UPDF), uri mu Rwanda mu ruzinduko rw'akazi. Nk'uko byatangajwe n'Ibiro by'Umukuru w'Igihugu (Village Urugwiro), ibiganiro byabo byibanze ku bufatanye bukomeje kuranga umubano w'u Rwanda na Uganda, ndetse no ku buryo ibihugu byombi byakomeza gukorana mu guteza imbere amahoro, umutekano n'ituze mu karere. Uru ruzinduko rwa Gen. Muhoozi rubaye mu gihe umubano hagati y'u Rwanda na Uganda ukomeje kurushaho gutera imbere, aho

Perezida wa Repubulika y'u Rwanda, Paul Kagame, ku wa Gatandatu tariki ya 25 Nyakanga 2026, yakiriye mu biro bye Gen. Muhoozi Kainerugaba, Umugaba Mukuru w'Ingabo za Uganda (UPDF), uri mu Rwanda mu ruzinduko rw'akazi. Nk'uko byatangajwe n'Ibiro by'Umukuru w'Igihugu (Village Urugwiro), ibiganiro byabo byibanze ku bufatanye bukomeje kuranga umubano w'u Rwanda na Uganda, ndetse no ku buryo ibihugu byombi byakomeza gukorana mu guteza imbere amahoro, umutekano n'ituze mu karere. Uru ruzinduko rwa Gen. Muhoozi rubaye mu gihe umubano hagati y'u Rwanda na Uganda ukomeje kurushaho gutera imbere, aho impande zombi zikomeje gukomeza ubufatanye mu nzego zitandukanye zirimo umutekano, ubucuruzi n'ububanyi n'amahanga. Mu mafoto yashyizwe ahagaragara, Perezida Kagame agaragara ari kumwe na Gen. Muhoozi Kainerugaba ndetse n'umunyamakuru Andrew Mwenda, usanzwe uzwi nk'inshuti ya Perezida Yoweri Kaguta Museveni n'umuryango we.

Perezida Kagame, Gen. Muhoozi Kainerugaba n'umunyamakuru Andrew Mwenda