“Nashakaga ukuri gushingiye kuri siyansi” Drissa Ouedraogo ku isuzuma rya ADN

Drissa Ouedraogo yavuze ko yasabye isuzuma rya ADN hagati ye n’umwana we kugira ngo amenye ukuri gushingiye kuri siyansi kandi amenye neza umwanya afite nk’umubyeyi, ashimangira ko atari agamije gutesha agaciro uwo ari we wese cyangwa guteza amakimbirane. Mu ibaruwa yashyize ahagaragara, Ouedraogo yavuze ko atifuzaga ko ibibazo birebana n’umuryango we bihinduka amakimbirane cyangwa ibintu byo kwishimisha mu ruhame. Yavuze ko yinjiye mu rushako afitiye urukundo umugore we, Ishimwe Vestine, ndetse afite icyizere cyo kubaka umuryango ukomeye, ariko nyuma haza kubaho imbogamizi, cyane cyane nyum

Drissa Ouedraogo yavuze ko yasabye isuzuma rya ADN hagati ye n’umwana we kugira ngo amenye ukuri gushingiye kuri siyansi kandi amenye neza umwanya afite nk’umubyeyi, ashimangira ko atari agamije gutesha agaciro uwo ari we wese cyangwa guteza amakimbirane. Mu ibaruwa yashyize ahagaragara, Ouedraogo yavuze ko atifuzaga ko ibibazo birebana n’umuryango we bihinduka amakimbirane cyangwa ibintu byo kwishimisha mu ruhame. Yavuze ko yinjiye mu rushako afitiye urukundo umugore we, Ishimwe Vestine, ndetse afite icyizere cyo kubaka umuryango ukomeye, ariko nyuma haza kubaho imbogamizi, cyane cyane nyuma yo kujya muri Canada, aho yavuze ko ibintu byahindutse cyane ndetse hakabaho no kutumvikana. Ku birebana n’ibirego n’ibihuha bivuga abandi bantu, Ouedraogo yavuze ko adashaka kubyemeza cyangwa kubihakana, ahubwo ko ibyemezo nk’ibyo bikwiye gusigirwa inzego zibifitiye ububasha. Ku kibazo cy’umwana we, yasobanuye ko icyifuzo cyo gupimisha ADN cyari kigamije kumenya ukuri gushingiye kuri siyansi no kumenya neza inshingano afite nk’umubyeyi. Yavuze ko atari agamije gutesha agaciro uwo ari we wese cyangwa kongera amakimbirane. Ouedraogo yasabye abantu n’itangazamakuru kwirinda gufata imyanzuro bashingiye ku ruhande rumwe cyangwa ku bihuha byo ku mbuga nkoranyambaga, avuga ko azasubiza ibibazo anyuze mu nzira ziboneye kandi yubahiriza ukuri n’amategeko. Yashimangiye kandi ko umwana wabo adakwiye gukoreshwa nk’igikoresho mu makimbirane, ahubwo ko inyungu n’imibereho ye bikwiye gushyirwa imbere.