Mu gihe gatanya ya Vestine na Idrissa yageze mu nkiko, amashusho y’ubukwe bwabo yakuwe kuri YouTube

Amashusho y’ubukwe bw’umuhanzi Ishimwe Vestine na Idrissa Jean Luc Ouédraogo, bwabaye ku wa 5 Nyakanga 2025, yakuwe ku muyoboro wa YouTube wa MIE Empire, mu gihe umubano w’aba bombi ugeze mu nkiko. Aya mashusho yari yarashyizwe ku muyoboro wa Murindahabi Irénée, uzwi nka M. Irene, wari ushinzwe inyungu za Vestine na murumuna we Dorcas mu muziki. Kuri ubu, uwashaka kuyareba kuri uwo muyoboro ntakiyabona, mu gihe MIE Empire itaratangaza impamvu y’ikorwa ry’icyo cyemezo. Amashusho y’umuhango wo gusezerana imbere y’amategeko wabaye ku wa 15 Mutarama 2025 yo aracyaboneka kuri uwo muyoboro. Ikurw

Amashusho y’ubukwe bw’umuhanzi Ishimwe Vestine na Idrissa Jean Luc Ouédraogo, bwabaye ku wa 5 Nyakanga 2025, yakuwe ku muyoboro wa YouTube wa MIE Empire, mu gihe umubano w’aba bombi ugeze mu nkiko. Aya mashusho yari yarashyizwe ku muyoboro wa Murindahabi Irénée, uzwi nka M. Irene, wari ushinzwe inyungu za Vestine na murumuna we Dorcas mu muziki. Kuri ubu, uwashaka kuyareba kuri uwo muyoboro ntakiyabona, mu gihe MIE Empire itaratangaza impamvu y’ikorwa ry’icyo cyemezo. Amashusho y’umuhango wo gusezerana imbere y’amategeko wabaye ku wa 15 Mutarama 2025 yo aracyaboneka kuri uwo muyoboro. Ikurwaho ry’amashusho rije mu gihe Vestine na Ouédraogo bari mu rubanza rwa gatanya. Mu rubanza, impande zombi zagiye zitanga ibirego bitandukanye ku mpamvu z’isenyuka ry’urugo, mu gihe Ouédraogo yanatanze ubusabe bwo kubona umwana no gukorerwa isuzuma rya ADN kugira ngo hamenyekane niba ari se umubyara. Ibi birego n’isano y’umwana ntibirafatwaho umwanzuro wa nyuma n’urukiko. Urubanza rwabo ruzakomeza ku wa 3 Ukuboza 2026 mu Rukiko rw’Ibanze rwa Kicukiro.