Urukiko rwo mu Roma mu Butaliyani kuri 28 Nzeri  rwakatiye imyaka 10 y’igifungo abayobozi batatu b’abashinzwe umutekano muri Misiri, nyuma yo kubahamya icyaha cyo gushimuta mu buryo bukomeye umushakashatsi w’Umutaliyani, Giulio Regeni, wari waburiwe irengero i Cairo mu 2016. Uwa kane mu baregwa yagizwe umwere. Urubanza rwabaye batari bahari, kuko abo baregwa bakomeje kuba muri Misiri kandi batigeze bitaba urukiko rwo mu Butaliyani. Regeni yari umunyeshuri w’imyaka 28 wakoraga ubushakashatsi bwa dogiteri muri University of Cambridge mu Bwongereza. Yabuze i Cairo ku wa 25 Mutarama 2016, ubwo y

Urukiko rwo mu Roma mu Butaliyani kuri 28 Nzeri  rwakatiye imyaka 10 y’igifungo abayobozi batatu b’abashinzwe umutekano muri Misiri, nyuma yo kubahamya icyaha cyo gushimuta mu buryo bukomeye umushakashatsi w’Umutaliyani, Giulio Regeni, wari waburiwe irengero i Cairo mu 2016. Uwa kane mu baregwa yagizwe umwere. Urubanza rwabaye batari bahari, kuko abo baregwa bakomeje kuba muri Misiri kandi batigeze bitaba urukiko rwo mu Butaliyani. Regeni yari umunyeshuri w’imyaka 28 wakoraga ubushakashatsi bwa dogiteri muri University of Cambridge mu Bwongereza. Yabuze i Cairo ku wa 25 Mutarama 2016, ubwo yakoraga ubushakashatsi ku mashyirahamwe y’abakozi yigenga muri Misiri. Umurambo we wabonetse nyuma y’iminsi icyenda, hafi y’umurwa mukuru Cairo. Abashakashatsi b’Abataliyani bavuze ko wari ufite ibimenyetso by’iyicarubozo rikomeye. Abantu bane bari barezwe ni Tariq Sabir, Hisham Helmi, Athar Kamel Mohamed Ibrahim na Magdi Ibrahim Abdelal Sharif. Urukiko rwakatiye Hisham Helmi, Athar Kamel Mohamed Ibrahim na Magdi Ibrahim Abdelal Sharif imyaka 10 y’igifungo kubera uruhare rwabo mu ishimutwa rya Regeni. Ku rundi ruhande, Tariq Sabir yagizwe umwere. Ikirego kijyanye n’ubwicanyi cyari kiregwa Sharif na cyo nticyemejwe n’urukiko. Urubanza rwa Regeni rumaze imyaka myinshi ari kimwe mu bibazo bikomeye byagiye bihungabanya umubano hagati y’u Butaliyani na Misiri. Abashinjacyaha b’Abataliyani bavugaga ko abakozi b’inzego z’umutekano za Misiri ari bo bashimuse Regeni, bakamufunga ndetse bakamwica. Leta ya Misiri yo yakomeje guhakana ko yaba yaragize uruhare mu rupfu rwe, kandi ntiyemeraga imyanzuro y’iperereza ry’Abataliyani. Iperereza n’urubanza byamaze imyaka myinshi bihura n’amakimbirane ajyanye n’ibimenyetso ndetse n’ubufatanye mu by’ubutabera. Abayobozi b’Abataliyani bashinjaga inzego za Misiri kutabaha amakuru y’ingenzi basabaga binyuze mu nzira z’amategeko mpuzamahanga, ibyo Cairo ikaba yarabihakanye. Ku muryango wa Giulio Regeni, uru rubanza rwabaye urugendo rw’imyaka hafi 10 rwo gusaba ko ababigizemo uruhare babazwa ibyo bakoze. Umuryango we wakomeje gusaba

“

ukuri n’ubutabera”, ndetse mu Butaliyani abantu benshi bagaragaje ubufatanye na wo, aho ibyapa by’umuhondo biriho izina rya Regeni byabaye ikimenyetso cyo kumwibuka no gusaba ibisobanuro ku rupfu rwe. Urukiko rwo mu Roma rwafashe uyu mwanzuro nyuma y’imyaka irenga icumi Regeni abuze, mu rubanza rwakomeje gukurura ibiganiro ku butabera, uburenganzira bwa muntu ndetse n’umubano hagati y’u Butaliyani na Misiri.   Umwanditsi: Marie Florence NDAYISHIMIYE

Urushijeho kumenya. Urushijeho kwegera abandi.