Kaminuza ya Buenos Aires (UBA) ku wa 30 Nzeri 2026 yatangaje ko Lionel Messi izamuha icyubahiro cya Doctor Honoris Causa, mu muhango uzaba ku wa 6 Ukwakira 2026, mbere y’umukino we wo gusezera ku ikipe y’igihugu ya Argentina kuri Stade Monumental. Iki cyemezo cyafashwe ku bwumvikane busesuye n’Inama Nkuru ya UBA, ishingiye ku rugendo rwa Messi mu mupira w’amaguru, ibyo yagezeho ndetse n’uruhare yagize mu guhagararira Argentina ku rwego mpuzamahanga. UBA yavuze ko urugendo rwa Messi ari urugero rw’ubuhanga, kwihangana, kwicisha bugufi no gukora akazi hubahirizwa amahame, ndetse n’ubwitange mu

Kaminuza ya Buenos Aires (UBA) ku wa 30 Nzeri 2026 yatangaje ko Lionel Messi izamuha icyubahiro cya Doctor Honoris Causa, mu muhango uzaba ku wa 6 Ukwakira 2026, mbere y’umukino we wo gusezera ku ikipe y’igihugu ya Argentina kuri Stade Monumental. Iki cyemezo cyafashwe ku bwumvikane busesuye n’Inama Nkuru ya UBA, ishingiye ku rugendo rwa Messi mu mupira w’amaguru, ibyo yagezeho ndetse n’uruhare yagize mu guhagararira Argentina ku rwego mpuzamahanga. UBA yavuze ko urugendo rwa Messi ari urugero rw’ubuhanga, kwihangana, kwicisha bugufi no gukora akazi hubahirizwa amahame, ndetse n’ubwitange mu guhagararira igihugu. Rector wa UBA, Ricardo Gelpi, yavuze ko iyi mpamyabumenyi y’icyubahiro itagamije kureba gusa imibare n’ibikombe Messi yegukanye. > “Turashaka no kumenya umuntu wicisha bugufi, wihangana, akaba urugero ndetse akaba ambasaderi w’umuco wacu n’indangagaciro z’igihugu cyacu.” Gelpi yavuze ko UBA ishaka kandi kugaragaza uburemere bw’uruhare Messi yagize binyuze muri siporo ndetse n’ingaruka yagize hanze y’ikibuga. Messi yayoboye Argentina nk’umukapiteni mu kwegukana Copa América 2021, Finalissima 2022, Igikombe cy’Isi cya 2022 na Copa América 2024. UBA kandi yagaragaje ko Argentina yasoje Igikombe cy’Isi cya 2026 iri ku mwanya wa kabiri. Doctor Honoris Causa ni icyubahiro cya Kaminuza gihabwa umuntu kubera ibikorwa bye n’uruhare rudasanzwe, kandi ntigomba kwitiranywa na Doctorat isanzwe umuntu abona nyuma yo kwiga no gukora ubushakashatsi. Ku wa 6 Ukwakira, Messi azahabwa iki cyubahiro mbere y’umukino wo gusezera ku ikipe y’igihugu ya Argentina uzabera kuri Stade Monumental.

Urushijeho kumenya. Urushijeho kwegera abandi.