Amb. Bazivamo yashyikirije Ousmane Sonko ubutumwa bwa Perezida Kagame, biyemeza gutsura umubano

Umunyamabanga Mukuru w’Umuryango FPR Inkotanyi, Bazivamo Christophe, ari kumwe n’intumwa ayoboye, yakiriwe na Ousmane Sonko, Perezida w’Ishyaka PASTEF ryo muri Sénégal, mu biganiro byibanze ku gushimangira umubano hagati y’imitwe ya politiki y’ibihugu byombi ndetse n’ubufatanye hagati y’u Rwanda na Sénégal. Muri uru ruzinduko, Amb. Bazivamo yashyikirije Ousmane Sonko ubutumwa bw’ishimwe bwa Perezida Paul Kagame, akaba na Chairman w’Umuryango FPR Inkotanyi, bumushimira ku bw’imigendekere myiza y’Inama Nkuru ya mbere ya PASTEF ndetse n’uburyo FPR Inkotanyi yakiriwe neza muri iyo nama. Impande

Umunyamabanga Mukuru w’Umuryango FPR Inkotanyi, Bazivamo Christophe, ari kumwe n’intumwa ayoboye, yakiriwe na Ousmane Sonko, Perezida w’Ishyaka PASTEF ryo muri Sénégal, mu biganiro byibanze ku gushimangira umubano hagati y’imitwe ya politiki y’ibihugu byombi ndetse n’ubufatanye hagati y’u Rwanda na Sénégal. Muri uru ruzinduko, Amb. Bazivamo yashyikirije Ousmane Sonko ubutumwa bw’ishimwe bwa Perezida Paul Kagame, akaba na Chairman w’Umuryango FPR Inkotanyi, bumushimira ku bw’imigendekere myiza y’Inama Nkuru ya mbere ya PASTEF ndetse n’uburyo FPR Inkotanyi yakiriwe neza muri iyo nama. Impande zombi zanaganiriye ku ngingo zitandukanye zigamije kurushaho guteza imbere ubufatanye hagati ya FPR Inkotanyi na PASTEF, hagamijwe gusangira ubunararibonye mu miyoborere, guteza imbere amahame ya politiki ishingiye ku iterambere ry’abaturage no gukomeza kubaka umubano urambye hagati y’ibihugu byombi. Ibiganiro byabo byagaragaje ubushake bwo gukomeza kwimakaza ubufatanye n’ubucuti busanzwe buranga Rwanda na Sénégal, hagamijwe guteza imbere inyungu rusange z’abaturage b’ibihugu byombi no gukomeza gusigasira umubano mwiza ushingiye ku bwubahane n’ubufatanye.