Amajyepfo: Imirenge SACCO yakoranye na BDF neza yashimiwe

Ikigega gishinzwe guteza imbere imishinga mito n’iciriritse, BDF, cyahembye  Koperative zo kubitsa no kugurizanya [Umurenge SACCO] zahize izindi mu Ntara y’Amajyepfo mu gukoresheje neza inguzanyo zihabwa n;icyo kigo ndetse zigatanga inguzanyo nyinshi zishingiwe. Izi zahembewe mu nama nyunguranabitekerezo yabereye mu Karere ka Huye ku  wa 17 Mutarama 2025, yarimo inzego zirimo iz'ubuyobozi bw'Ikigega gishinzwe guteza imbere imishinga mito n’iciriritse (BDF) ndetse n'Amakoperative bagamije kuganira ngo uru rwego rubika imari y'abaturage rutere imbere mu nyungu z'umuturage. Muri buri Karere hah

Ikigega gishinzwe guteza imbere imishinga mito n’iciriritse, BDF, cyahembye  Koperative zo kubitsa no kugurizanya [Umurenge SACCO] zahize izindi mu Ntara y’Amajyepfo mu gukoresheje neza inguzanyo zihabwa n;icyo kigo ndetse zigatanga inguzanyo nyinshi zishingiwe. Izi zahembewe mu nama nyunguranabitekerezo yabereye mu Karere ka Huye ku  wa 17 Mutarama 2025, yarimo inzego zirimo iz'ubuyobozi bw'Ikigega gishinzwe guteza imbere imishinga mito n’iciriritse (BDF) ndetse n'Amakoperative bagamije kuganira ngo uru rwego rubika imari y'abaturage rutere imbere mu nyungu z'umuturage. Muri buri Karere hahembwe SACCO ndetse hahembwa na SACCO imwe yahize izindi mu Ntara y’Amajyepfo yose. SACCO zashimiwe mu Ntara y’Amajyepfo mu guhiga izindi muri buri Karere harimo ; SACCO Ibonemo Gacurabwenge yo mu Karere ka Kamonyi, iya Tugendane n’igihe Ruhashya mu Karere ka        Huye, SACCO Izere Gikonko muri Gisagara na SACCO Inozamihigo Rusenge Nyaruguru. SACCO  Ingenzi Byimana niyo yabaye iya mbere mu Karere ka     Ruhango, SACCO Jyambere  Gatare iba iya mbere muri Nyamagabe, SACCO Terimbere Shyogwe iba iya mbere mu Karere ka Muhanga naho SACCO Tuzamurane Mukingo mu karere ka Nyanza ndetse iyi ni nayo yahize zose mu Ntara y’Amajyepfo. Abayobozi  b’imirenge SACCO yo mu Ntara y’Amajyepfo, garagagaje imbogamizi z’uko miliyari 5 Frw zigiye gutangwa n’Ikigega gishinzwe guteza imbere imishinga mito n’iciririritse (BDF), muri gahunda yo kuzahura ubukungu zidahagije ugereranyije n’abakiriya bafite. Mukarutamu Dorothée, uyobora SACCO yo mu Murenge wa Nyabinoni, mu Karere ka Muhanga, yavuze ko n’ayatanzwe mbere yabaye agatonyanga mu nyanja kubera ubusabe bwinshi, agahamya ko no kuri iyi nshuro ari ko bizagenda. Ati "Abasabye ubwa mbere ntabwo babashije kuyabona bose, n’ubwa kabiri hasabye benshi, ahabwa 5% gusa, urumva ko ari bakeya cyane. N’ubu rero, nta cyizere cyo kuzayabona gihari." Uwiragiye Donatha nawe  ucunga umutungo wa SACCO Tuzamurane Mukingo yo mu Karere ka Nyanza, yagize ati "Nk’ubushize mu Karere ka Nyanza bahaye SACCO ebyiri gusa mu icumi zo mu Karere, kandi n’abo twari twayasabiye bose ntabwo ari ko bayabonye." "Ibi bivuze ko ari ukuyatanguranwa, abashyizemo mbere ni bo bayabona, agahita ashira. Ku nshuro ya gatatu na ho twumvise ko bazahera ku bari basanzwe barasabye, kandi hazatangwa miliyari 5 Frw gusa, nyamara hari abamaze gusaba mbere miliyari 10 Frw bagitegereje, urumva ko bica intege." Vincent Munyeshyaka, umuyobozi wa BDF, yavuze ko amafaranga za Sacco zigira zitangaho inguzanyo atari aya BDF gusa, kandi ko bajya banunganira abadafite ingwate. BDF, ni ikigo cyashyizweho mu mwaka wa 2011 na Leta y’u Rwanda na Banki y'Amajyambere y’ u Rwanda (BRD) mu rwego rwo gufasha no korohereza ba Rwiyemezamirimo bato n’abaciriritse kugera kuri serivisi z'imari. Ikaba kimwe mu bigo by’ingenzi bishyira mu bikorwa gahunda y’ igihugu ishinzwe umurimo (National Employment Program), kandi imirimo yayo igendera ku murongo w'ibyo bikorwa. Muri 2015, BDF yafunguye amashami mu gihugu hose hagamijwe kwegereza serivisi ba Rwiyemazamirimo hagendewe kuri gahunda y’igihugu ishinzwe umurimo (NSDEPS – National Skills Development & Employment Promotion Strategy). Serivisi BDF itanga harimo ingwate ku nguzanyo, ubujyanama, ikodeshagurisha, kongerera ubushobozi SACCO, inguzanyo k'ubuhinzi n'ubworozi, ndetse n'inkunga. Zimwe muri zo zitangwa binyuze mu masezerano ifitanye n'ibigo by'imari; izindi zihabwa abagenerwabikorwa nta wundi muhuza. Muri rusange,BDF imaze, gutanga ubwishingizi ku ngwate mu bigo by’imari byose miliyari 91,636,901,116 Frw mu mishinga 18,063. BDF kandi umaze guha za SACCO muri rusange Miliyari zirenga 18 na miliyoni 892 ku mishinga irenga ibihumbi cumi na bine. Naho mu kuzahura ubukungu nyuma y’icyorezo cy’indwara ya Coronavirus imaze gutanga miriyari zisaga 14 mu byiciro bibiri.

Uwiragiye Donatha  ucunga umutungo wa SACCO Tuzamurane Mukingo yo mu Karere ka Nyanza yahawe igihembo na BDF cy'uko SACCO ayobora yakoranye neza n'icyo Kigo.