Abafana ba Portugal bakomeje kuririra Cristiano Ronaldo.

Abafana b’ikipe y’igihugu ya Portugal bababajwe n’uko umukinnyi w’ikirangirire Cristiano Ronaldo asa n’uwatandukanye n’ikipe y’igihugu. Uyu rutahizamu w’ikirangirire yavuye mu mwiherero w’ikipe ku wa Gatatu, nyuma y’amasaha make umutoza Jorge Jesus atangaje ko atari butangire umukino wa UEFA Nations League Portugal yari gukina na Denmark ku wa Kane. João Mário Cunha, umufana wa Portugal w’imyaka 27, yagize ati:“Ntekereza ko ari ukutubaha gato umukinnyi watumye Portugal imenyekana ku rwego mpuzamahanga. Yaduhesheje ibikombe byinshi hamwe n’ikipe y’igihugu. Ku bwanjye, iyo ataza kuba ahari, nt

  Abafana b’ikipe y’igihugu ya Portugal bababajwe n’uko umukinnyi w’ikirangirire Cristiano Ronaldo asa n’uwatandukanye n’ikipe y’igihugu. Uyu rutahizamu w’ikirangirire yavuye mu mwiherero w’ikipe ku wa Gatatu, nyuma y’amasaha make umutoza Jorge Jesus atangaje ko atari butangire umukino wa UEFA Nations League Portugal yari gukina na Denmark ku wa Kane. João Mário Cunha, umufana wa Portugal w’imyaka 27, yagize ati:“Ntekereza ko ari ukutubaha gato umukinnyi watumye Portugal imenyekana ku rwego mpuzamahanga. Yaduhesheje ibikombe byinshi hamwe n’ikipe y’igihugu. Ku bwanjye, iyo ataza kuba ahari, ntabwo twari gutwara na kimwe cya kabiri cy’ibikombe tumaze gutwara kugeza ubu.”   Yakomeje agira ati: “Kuba agiye muri ubu buryo birababaje. Amagambo y’umutoza ntabwo yari akwiye gutangazwa ku buryo yatangajwe. Ni ukuvuga ko ari ukugenda mu buryo bubabaje. Ikindi kandi, ikipe ubu ibura umukinnyi umwe, kandi abantu bashobora kutazongera kujya ku mikino cyane kubera ko atakiri mu bakinnyi 11 babanza.” Haracyari ibibazo byinshi bitarasubizwa, birimo kumenya niba Ronaldo yarangije burundu gukinira Portugal. Abafana baracyizera ko ashobora kumvikana na Jorge Jesus, akongera akagaruka mu ikipe mu kiruhuko gikurikira cy’imikino mpuzamahanga. Ronaldo w’imyaka 41 yavuze ko “mu gihe kiri imbere” azabwira Abanya-Portugal ukuri ku mpamvu zatumye ava mu ikipe. Kugeza ubu, ikipe ya Portugal yakomeje gukina idafite Ronaldo, itsinda Denmark ibitego 4-2 i Copenhagen ku wa Kane.