Ikipe ya APR FC mu ijonjora ry’ibanze rya CAF Champions League yatomboye ikipe ya Gaadiidka FC isanzwe ikina shampiyona y’ikiciro cya mbere muri Somalia.
Ku gicamunsi cyo kuri uyu wa Kabiri tariki 25 Nyakanga ku kicaro gikuru cy’Impuzamashyirahamwe y’Umupira w’amaguru muri Afurika, CAF, habereye tombora y’uko amakipe azahatana mu mikino y’Ibikombe by’umugabane aribyo CAF Champions League na CAF Confenderation Cup.
APR FC yatwaye igikombe cya shampiyona giheruka niyo kipe izahagararira u Rwanda mu mikino ya Champions League yaje kwisanga izacakirana na Gaadiidka FC, ikipe isanzwe ikina shampiyona y’ikiciro cya mbere muri Somalia.
Gaadiidka FC ni ikipe ibarirwa mu murwa mukuru wa Somalia, Mogadishu, ikaba ikina shampiyona y’ikiciro cya mbere cya Somalia. Iyi kipe isanzwe yambara ibara ry’ubururu n’unweru igakinira kuri sitade yitwa Garoonka Banadir Stadium ihereye Mogadishu, ikakira abafana 30,000 nk’uko urubuga rwa Wikipedia rubitangaza.
Mu mwaka w’imikino wa 2002, Gaadiidka FC yatwaye shampiyona ya Somalia ifite amanota 32 mu mikino 16 yakinwe biyuhesha itike yo kuzahagararira igihugu mu mikino ya CAF Champions League.
Iyi kipe yashinzwe mu 1942, Igikombe iheruka gutwara kibaba cyarabaye icya mbere mu myaka 32 ishize.
Gaadiidka FC iheruka gutwara Igikombe cya shampiyona y’ikiciro cya mbere muri Somalia.
APR FC nayo iheruka gutwara Igikombe cya shampiyona mu Rwanda.