Kuva kuri uyu wa Kabiri tariki ya 19 Nzeri 2023 haratangira gukinwa irushanwa rya UEFA Champions League rikinwa n’amakipe yabaye aya mbere muri Shampiyona z’ibihugu byayo.
Champions League y’uyu mwaka izaba igiye gukinwa ku nshuro ya 68 kuko iri rushanwa ryatangiye gukinwa kuva mu 1955, gusa mu 1992 yaravuguruwe.
UEFA Champions League ya 2023-2024 izaba ari irushanwa ritandukanye n’a di yose yabayeho mu myaka 21 ishize kuko izaba igiye gukinwa hatarimo abami ba biri baryo aribo Lionel Messi na Cristiano Ronaldo.
Lionel Messi uherutse kujya gukinira ikipe ya Inter Miami muri Leta Zunze Ubumwe za Amerika yakinnye umukino we wa mbere muri UEFA Champions League muri 2004 mu Kuboza ubwo FC Barcelona yakinaga na Shakhtar Donetsk, ukarangira FC Barcelona itsinze ibitego 2-0.
Kuva icyo gihe Lionel Messi yakinnye imikino 163 ya Champions League ataindamo ibitego 126 atwara ibikombe 4 harimo icyo muri 2006, 2009, 2011 na 2015.
Cristiano Ronaldo we ysigaye ukinira ikipe ya Al Nassr muri Saudi Arabia, afatwa nk’umwami wa Champions League kuko uyu mugabo yakinnye umukino we wa mbere wa Champion League muri Nzeri 2002 ubwo yarafite imyaka 17 y’amavuko. Icyo gihe Cristiano Ronaldo yakiniraga ikipe ya Sporting de Portugal.
Kuva kuri uwo mukino Cristiano Ronaldo yabaye umukinnyi watinze ibitego byinshi muri UEFA champions league kuko yatsinze ibitego 140 mu mikino 183. Cristiano Ronaldo yatwaye ibikombe bitanu bya UEFA Champions League birimo icyo muri 2008 muri Manchester United, 2014, 2016, 2017 na 2018 byose muri Real Madrid.
Imikino iteganyijwe kuri uyu wa Kabiri:
18:45: AC Milan na Newcastle United
18:45: Young Boys na RB Leipzig.
21:00: FC Barcelona na Antwerp.
21:00: Feyenoord na Celtic.
21:00: Lazio na Atletico Madrid.
21:00: Manchester City na Crvena Zvezda.
21:00: PSG na Borussia Dortmund.
21:00: Shakhtar Donetsk na FC Porto.
Imikino izaba ku wa Gatatu:
18:45: Real Madrid na Union Berlin.
18:45: Galatasaray na FC Copenhagen.
21:00: Arsenal na PSV.
21:00:Bayern Munich na Manchester United.
21:00: Benfica na RB Salzburg.
21:00: Braga na Napoli.
21:00: Real Sociedad na Inter Milan.
21:00: FC Sevilla na Lens.
Manchester City niyo iheruka gutwara Champions League mu mwaka ushize.
Cristiano Ronaldo watwaye Champions League eshanu, uy’umwaka ntazagaragara.
Lionel Messi watwaye Champions League 4.