Carlo Ancelotti, Umutariyani w’imyaka 63 y’amavuko, akaba umutoza wa Real Madrid muri Espagne, akazoza ke kamaze kumenyekana.
Carlo Ancelotti utarahiriwe n’umwaka w’imikino muri Real Madrid, dore ko iyi kipe yasezerewe muri Champions League itsinzwe na Manchester City, ibitego bitanu kuri kimwe mu mikino yombi. Real Madrid kandi ikaba itazegukana Shampiyona kuko FC Barcelona yamaze kuyegukana byakwiyongeraho ko yanatwaye igikombe cya Super Cup ya Espagne itsinze Real Madrid, bikaba umwaka w’umukara kuri muzehe Ancelotti.
Hari amakuru menshi avuga ko Carlo Ancelotti atazakomeza gutoza Real Madrid kuko amakuru atandukanye yamwerekezaga mu ikipe y’Igihugu ya Brazil nk’uko, Ednaldo Rodriguez uyobora Ishyirahamwe ry’umupira w’amaguru muri Brazil (CBF) yari yabitangaje mu kwa Gatatu.
Kuri ubu Muzehe Ancelotti yemeje ko azakomeza gutoza Real Madrid umwaka utaha.
Carlo Ancelotti mu kiganiro n’itangazamakuru yagize ati: “Ejo hashize nahuye na Florentino Pérez (Perezida wa Real Madrid) , angaragariza kizere ko anyuzwe n’akazi kange. Ikipe yanyijeje ko nzaguma hano. Tuzakonezanya uyu mushinga wo gushaka ibikombe.